Breadcrumb navigation - the following list shows your current location on the website:
Inclusion Australia မ့ၢ်ထံကီၢ်ကရၢအခိၣ်သ့ၣ်တခါလၢအမၤတၢ်ဘၣ်ထွဲဒီးသးတၢ်ကူၣ်သ့သးဆးအတၢ်တလၢတပှဲၤတဆူၣ်တချ့ဂ့ၢ်၀ီန့ၣ်လီၤ.
ပဘၣ်တၢ်နာ်န့ၢ်ပှၤဒီးတၢ်ကလုၢ်အမ့ၢ်အတီလၢပှၤလၢအအိၣ်ဒီးသးတၢ်ကူၣ်သ့သးဆးအတၢ်တလၢတပှဲၤတဆူၣ်တချ့တဖၣ်ဒီးအ၀ဲသ့ၣ်အဟံၣ်ဖိဃီဖိလၢအအိၣ်လၢအီးစတြ့လယါတဖၣ်အဂီၢ်လီၤ.
အပူၤကွံာ်ဘၣ်တၢ်သ့ၣ်ညါပှၤဒ်ထံကီၢ်ကီၣ်ကးကရၢလၢသးတၢ်ကူၣ်သ့သးဆးအတၢ်တလၢတပှဲၤတဆူၣ်တချ့ (National Council on Intellectual Disability, NCID), ပဂဲၤလိာ်ကတိၤခဲးတၢ်လၢပှၤလၢအအိၣ်ဒီးသးတၢ်ကူၣ်သ့သးဆးအတၢ်တလၢတပှဲၤတဆူၣ်တချ့တဖၣ်အခွဲးအယာ်အဂီၢ်စးထီၣ်လၢ 1954 နံၣ်လံၤလံၤန့ၣ်လီၤ.
ပဟ့ၣ်ထီၣ်စဲၣ်နီၤတၢ်သ့တၢ်ဘၣ်ဒီးတၢ်ဟ့ၣ်ကူၣ်ဟ့ၣ်ဖးဆူလီၢ်ခၢၣ်သးစၢဖှိၣ်အပဒိၣ်ဒီးတၢ်ကရၢကရိအဂၤတဖၣ်အအိၣ်လၢတၢ်ကဒုးလဲၤသနူအတၢ်ဆီတလဲလၢအီးစတြ့လယါအပူၤအဂီၢ်လီၤ.
လၢကဘျံးပၤတခါအံၤအလိၤပကထံၣ်န့ၢ်ပကညီကျိာ်လံၥ်လဲၢ်တၢ်ကွဲးကဲဘျုးခဲလၢာ်တဖၣ်န့ၣ်လီၤ. လၢတၢ်ဆၢကတီၢ်လဲၤပူၤအသိးပကထၢနုာ်လီၤအါထီၣ်လံၥ်လဲၢ်တၢ်ကွဲးကဲဘျုးတဖၣ်ဆူညါလီၤ. ဖဲနမ့ၢ်အိၣ်ဒီးတၢ်သံကွၢ်တဖၣ်အခါ,နဆဲးကျိးဘၣ်ပှၤခီဖျိ [email protected] န့ၣ်သ့လီၤ.
ကညီကျိာ်လံၥ်လဲၢ်တၢ်ကွဲးကဲဘျုးတဖၣ်
Related topics:
မၤတၢ်ဆၢတဲာ်ဘၣ်ဃးနကျိၣ်စ့ဒီးတၢ်မၤဒိၣ်ထီၣ်နကျိၣ်စ့အတၢ်သဘျ့န့ၣ်မ့ၢ်တၢ်အကါဒိၣ်ဘၣ်ထွဲဒီးတၢ်အိၣ်မူန့ၣ်လီၤ. တၢ်လၢအဘၣ်ထွဲဒီးတၢ်မၤအကျိၤအကွာ်န့ၣ်မ့ၢ်တၢ်မၤန့ၢ်တၢ်ဆီၣ်ထွဲလၢအဂ့ၤလၢနဟံၣ်ဖိဃီဖိ,တံၤသကိးတဖၣ်မ့တမ့ၢ်ပှၤဆီၣ်ထွဲတၢ်တဖၣ်အအိၣ်ဘၣ်ဃးမ့ၢ်တၢ်ကဒုးကဲထီၣ်စ့အတၢ်ပူၤဖျဲးအတၢ်သ့တၢ်ဘၣ်တဖၣ်ဒီးသူၣ်ထီၣ်နတၢ်သဘျ့ဒ်တၢ်ဆၢကတီၢ်လဲၤတၢ်အသိးန့ၣ်လီၤ. ပကွဲးလီၤတၢ်နဲၣ်ကျဲတခါလၢတၢ်ကမၤစၢၤဟံၣ်ဖိဃီဖိတဖၣ်ဆီၣ်ထွဲပှၤတဂၤလၢအအိၣ်ဒီးတၢ်ကူၣ်တၢ်ဆးအတၢ်တလၢတပှဲၤတဆူၣ်တချ့လၢကနၢ်ပၢၢ်ကျိၣ်စ့ဒီးမၤအ၀ဲသ့ၣ်အနီၢ်ကစၢ်ကျိၣ်စ့တၢ်ဆၢတဲာ်တဖၣ်န့ၣ်လီၤ. တၢ်နဲၣ်ကျဲအံၤဒိးသန့ၤထီၣ်လၢတၢ်သိၣ်တၢ်သီတၢ်ဘျၢလၢအဘၣ်ထွဲဒီးတၢ်မၤတၢ်ဆၢတဲာ်လၢတၢ်ဆီၣ်ထွဲအီၤန့ၣ်လီၤ. တၢ်နဲၣ်ကျဲဟ့ၣ်တၢ်ဂ့ၢ်တၢ်ကျိၤ,ပီးလီစုက၀ဲၤဒီးဂံၢ်ထံးတဖၣ်လၢဟံၣ်ဖိဃီဖိဒီးပှၤဆီၣ်ထွဲတၢ်တဖၣ်အဂီၢ်န့ၣ်လီၤ. အကတိၤဘၣ်ဃးခွဲးယာ်တဖၣ်ဒီးတၢ်လီၤပျံၤတဖၣ်လၢအဟဲဃုာ်ဒီးကျိၣ်စ့တၢ်ဆၢတဲာ်တဖၣ်န့ၣ်လီၤ. ဟံၣ်ဖိဃီဖိတဖၣ်သူတၢ်နဲၣ်ကျဲလၢကမၤစၢၤပှၤလၢအအိၣ်ဒီးတၢ်ကူၣ်တၢ်ဆးအတၢ်တလၢတပှဲၤတဆူၣ်တချ့မၤန့ၢ်အါထီၣ်ကျိၣ်စ့အတၢ်သဘျ့,ပူၤပူၤဖျဲးဖျဲးန့ၣ်လီၤ. နထုးန့ၢ်တၢ်နဲၣ်ကျဲဖဲအံၤသ့လီၤ- နထုးန့ၢ်စ့ၢ်ကီး Plus, Minus, တၢ်အကွီၣ်လၢအလီၤသးစဲ,ဃုာ်ဒီး Risk Matrix (တၢ်လီၤပျံၤအစရီအလံာ်တကွီၣ်)လၢတၢ်ကသူအီၤဃုာ်ဒီးတၢ်နဲၣ်ကျဲ- ပမၤကဲထီၣ်စ့ၢ်ကီးတၢ်ဖးဘၣ်တၢ်ဂ့ၢ်နီၢ်နီၢ်လၢအညီတနီၤလၢအဘၣ်ဃးဒီးတၢ်မၤတၢ်ဆၢတဲာ်ဘၣ်ဃးကျိၣ်စ့န့ၣ်လီၤ. နထုးထီၣ်န့ၢ်အီၤလၢလီကျိၤခိၣ်ဒ်လာ်အသိးသ့လီၤ.
Related topics:
ဒ်တၢ်လၢအဘၣ်ထွဲဒီးပMake Decisions Real projectအသိး, ပမၤကဲထီၣ်ဖိးစထၢၣ်ဒီးတၢ်ဂ့ၢ်နီၢ်နီၢ်အကဘျံးတဘျုးခါလၢအဘၣ်ထွဲဒီးတၢ်မၤတၢ်ဆၢတဲာ်လၢတၢ်ဆီၣ်ထွဲအီၤန့ၣ်လီၤ. ပကတိၤတၢ်ဒီးပှၤလၢအအိၣ်ဒီးတၢ်ကူၣ်တၢ်ဆးတကပၤအတၢ်တလၢတပှဲၤတဆူၣ်တချ့ဒီးအ၀ဲသ့ၣ်အပှၤလၢအဆီၣ်ထွဲအီၤတဖၣ်လၢအအိၣ်လၢအီးစတြ့လယါဘၣ်ဃးတၢ်မၤတၢ်ဆၢတဲာ်တဖၣ်န့ၣ်လီၤ. ပမၤအိၣ်ထီၣ်၀ဲဒၣ်ခီၣ်ခါပတီၢ်လၢအညီ 5 ခါလၢတၢ်ကမၤစၢၤပှၤကမျၢၢ်လၢကနၢ်ပၢၢ်တၢ်မၤတၢ်ဆၢတဲာ်လၢတၢ်ဆီၣ်ထွဲအီၤဒီးပာ်လီၤအီၤလၢတၢ်ကသူအီၤအဂီၢ်န့ၣ်လီၤ- ပမၤကဲထီၣ်ဖိးစထၢၣ်ဒီးတၢ်ဂ့ၢ်နီၢ်နီၢ်အကဘျံးတနီၤလၢတၢ်ကမၤစၢၤတၢ်ကသ့ၣ်နီၣ်ဒီးသူ၀ဲဒၣ်ကျိၤကျဲပတီၢ် 5 ခါအဂီၢ်န့ၣ်လီၤ. နထုးထီၣ်န့ၢ်အီၤလၢလီကျိၤခိၣ်ဒ်လာ်အသိးသ့လီၤ.
Related topics:
ဒ်တၢ်လၢအဘၣ်ထွဲဒီးပ နတၢ်မၤစၢၤ,နခွဲးယာ်တဖၣ်အတၢ်တိာ်ကျဲၤအသိး ပမၤကဲထီၣ်လံတၢ်တဲသကိးအကးတဖၣ်လၢပှၤလၢအအိၣ်ဒီးသးတၢ်ကူၣ်သ့သးဆးအတၢ်တလၢတပှဲၤတဆူၣ်တချ့တဖၣ်န့ၣ်လီၤ. တၢ်တဲသကိးအကးတကရူၢ်စုာ်စုာ်န့ၣ်အိၣ်ဒီးကးအဘ့ၣ် ၈၀ လၢတၢ်ကမၤစၢၤပှၤကမျၢၢ်လၢကမၤလိန့ၢ်ဘၣ်ဃးအ၀ဲသ့ၣ်အခွဲးယာ်တဖၣ်ဒီးကတိၤဘၣ်ဃးတၢ်လၢအကါဒိၣ်လၢအ၀ဲသ့ၣ်အဂီၢ်ဖဲသူ၀ဲဒၣ်တၢ်တလၢတပှဲၤတဆူၣ်တခါအတၢ်မၤစၢၤအခါန့ၣ်လီၤ. တၢ်အံၤတၢ်သူအီၤလၢနီၢ်တဂၤစုာ်စုာ်,ပှၤနီၢ်တခီတဂၤ,လၢကရူၢ်တဖၣ်အပူၤ,မ့တမ့ၢ်လၢတၢ်ဖံးတၢ်မၤအပူၤ,ဒီးကွၢ်ဖဲနကသူအီၤန့ၣ်လီၤ. ပှၤကမျၢၢ်တဖၣ်ဃုထၢလၢကသူကးတဘ့ၣ်,ကးတကလုာ်မ့တမ့ၢ်ဒီတကရူၢ်လၢာ်န့ၣ်သ့လီၤ. ကးအကလုာ်အိၣ်၀ဲဒၣ်လွံၢ်ကလုာ်လၢပှၤကမျၢၢ်ကွၢ်ဃုသူအီၤသ့န့ၣ်လီၤ- တၢ်ဂ့ၢ်အကးတဖၣ်- ဖးဘၣ်ဃးပှၤကညီလၢတၢ်အိၣ်သးတဒ်သိးလိာ်အသးအပူၤတဖၣ်န့ၣ်လီၤ. တၢ်သ့ၣ်တဖၣ်အံၤကတဲဘၣ်ဃးဒီးကတိၤဘၣ်ဃးတၢ်လၢပှၤကညီတဖၣ်ဆိကမိၣ်အီၤန့ၣ်လီၤ. ခွဲးယာ်အကးတဖၣ်-တၢ်သ့ၣ်တဖၣ်အံၤမ့ၢ်တၢ်ပာ်ဖျါဘၣ်ထွဲဒီးပှၤကူပှၤကညီခွဲးယာ်တဖၣ်န့ၣ်လီၤ. မၤလိဘၣ်ဃးနခွဲးယာ်တဖၣ်ဒီးတၢ်အံၤအခီပညီအိၣ်လၢနဂီၢ်ဒ်လဲၣ်တက့ၢ်. တၢ်သံကွၢ်အကးတဖၣ်- တၢ်သ့ၣ်တဖၣ်အံၤမ့ၢ်တၢ်သံကွၢ်တဖၣ်လၢပှၤကညီတဖၣ်ကဆိကမိၣ်ဘၣ်ဃးအ၀ဲသ့ၣ်အနီၢ်ကစၢ်တၢ်အိၣ်မူဒီးအနီၢ်ကစၢ်အတၢ်မၤစၢၤဒီးတၢ်လၢအကါဒိၣ်လၢအ၀ဲသ့ၣ်အဂီၢ်မ့ၢ်မနုၤလဲၣ်န့ၣ်လီၤ. တၢ်အဘၣ်မ့တမ့ၢ်ကမၣ်အကး- တၢ်သ့ၣ်တဖၣ်အံၤတၢ်သံကွၢ်စံးဆၢတဖၣ်န့ၣ်လီၤ,တၢ်စံးဆၢအိၣ်ဒၣ်ထဲတဖျၢၣ်လီၤ. တၢ်သ့ၣ်တဖၣ်အံၤမ့ၢ်တၢ်သံကွၢ်ဘၣ်ဃးဒီး NDIS ခီၣ်မံးရှၢၣ်,သနူတဖၣ်ဒီးတၢ်မၤအကျိၤအကွာ်တဖၣ်န့ၣ်လီၤ. QR အနီၢ်ဂံၢ်လၢကးတဘ့ၣ်စုာ်စုာ်အလိၤအိၣ်စ့ၢ်ကီးလၢတၢ်ကဘျးစဲန့ၢ်နၤဒီးတၢ်ဂ့ၢ်တၢ်ကျိၤလၢအကဲဘျုးတဖၣ်န့ၣ်လီၤ. ထုးထီၣ်န့ၢ်ကးတဖၣ်လၢလီကျိၤခိၣ်ဖဲအံၤတက့ၢ်.
